Туркманистон президенти Сердар Бердимуҳамедов 24 октябрь куни Болқон вилоятининг Туркманбоши туманида Денгиз ўқув-машқ марказида бўлиб ўтган ҳарбий машғулотларни кузатди, деб хабар бермоқда «Хроника Туркменистана».
Туркманбошида шаҳридаги аэропортда давлат раҳбари қирувчи, жанговар ва юк ташувчи самолётларни кўздан кечирган. Сўнг у ердан вертолётда ҳарбий-дала машғулотлари ўтказилаётган жойга етиб олган.
Мудофаа вазири Бегенч Гундогдиев пиёда қўшинлар, ҳарбий-ҳаво кучлари, ҳаво ҳужумига қарши мудофаа қўшинлари ва ҳарбий-денгиз кучлари шайлиги ҳақида ҳисобот берган.
Машқлар чоғида ҳарбийлар ерга ва кемаларга ўрнатилган ҳаво ҳужумига қарши мудофаа тизимлари ёрдамида ҳаводаги нишонларни урди, Туркияда ишлаб чиқарилган Bayraktar ТB2 учувчисиз учар қурилмаси, шунингдек, Эмраэр ЭМБ Супер Туcано винтли ҳужумчи самолётлари ва Аэрмаcчи М-346 реактив самолётлари ердаги шартли душман объектларига зарбалар берди. Ҳарбийлар махсус бўлинмалари бино ва кеманинг эгаллаб олиниши жараёнини намойиш этди.
Изоҳ (0)