Ronaldo boshqa futbolchilar bilan solishtirib bo‘lmaydigan afsonalar nomini aytdi. Ular orasida Ronaldu yo‘q

Braziliyalik sobiq futbolchi Ronaldo futbol tarixidagi eng yaxshi 8 futbolchi nomini aytdi.

Maradona yoki Messidan birini tanlashi kerakligi haqida

Bu adolatsizlik. Diyego, Messi, Kroyf, Bekkenbauer, Pele, van Basten, Ronaldinyo kabi futbolchilar kiradigan juda va juda o‘ziga xos guruh bor deb o‘ylayman. Ular qatoriga o‘zimni ham qo‘shishim mumkin.

Mayli muxlislar gapirsin, buni barlarda muhokama qilishsin. Biroq ularni reyting bo‘yicha o‘rinlarga ajratib bo‘lmaydi, ma’lum davr futbolchilarini solishtirish kerak emas.

“Haqiqiy Ronaldo” atamasi haqida

Odamlar meni haqiqiy Ronaldo deb ataydi, jin ursin, boshqa Ronaldolar ham bo‘lgan va ular soxta emas. Yagona emasman, mendan ham yaxshiroq bo‘lgan boshqasi chiqib keladi.

Qo‘limdan kelgan barcha ishni qildim. Hozir juda muhim bo‘lgan boshqa ishlar bilan shug‘ullanyapman, rivojlanishda davom etishni xohlayman. Futbolchi sifatida esa hozir hech narsa qila olmayman.

Ronaldo, sobiq futbolchi