Rossiya anneksiya qilgan hududlardagi futbol klublari mamlakat birinchiliklarida ishtirok etishi aytildi. Bu Rossiya futboli uchun katta muammo bo‘lishi mumkin

Sevastopol va Qrim futbol jamoalari 2023-yildan boshlab Rossiya milliy futbol ligasi tomonidan o‘tkaziladigan musobaqalarda o‘ynash huquqiga ega bo‘ladi. Bu haqda Sevastopol gubernatori Mixail Razvojayev ma’lum qildi.

Agar ushbu ma’lumot o‘z tasdig‘ini topadigan bo‘lsa, Rossiya futboli yana sanksiyalar ichida qolishi mumkin.

Rossiyaning Ukrainadagi harbiy harakatlari sabab mamlakat terma jamoasi va mahalliy klublar UEFA hamda FIFA tasarrufidagi musobaqalardan chetlatildi. Biroq Rossiya futbol ittifoqi (RFS) hali FIFA va UEFA a’zosi hisoblanadi. Buning evaziga klublar transfer bozorida faoliyat olib borish, terma jamoa esa xalqaro o‘rtoqlik o‘yinlarida ishtirok etish huquqiga ega.

Anneksiya qilingan hududlardagi klublarning Rossiya chempionatlariga qo‘yilishi ortidan mamlakat futbolchi FIFA va UEFA tizimidan butkul chiqarib tashlanishi mumkin. Shundan bo‘lgan taqdirda terma jamoa o‘rtoqlik o‘yinlari o‘tkaza olmaydi, rus klublari esa xalqaro transfer tizimidan chiqarib yuboriladi va klublardagi barcha futbolchilar shartnomani bekor qilish huquqiga ega bo‘ladi. Shuningdek, Rossiya FIFA hamda UEFA tomonidan futbol rivoji uchun ajratiladigan yordam pullaridan quruq qoladi.

Eslatib o‘tamiz, FIFA va UEFA 2015-yilda Qrim futbol klublariga Rossiya birinchiliklarida o‘ynashni taqiqlab qo‘ygandi.