Саудия Арабистони Энергетика вазири Абдулазиз бин Салмон сентябрь ойида мамлакатнинг Европага нефть етказиб бериш ҳажми икки баробарга ошиб, 950 минг баррелга етганини айтди. Бу ҳақда «Коммерсантъ» хабар бермоқда.
Вазир қироллик Европанинг кўплаб ҳукуматлари билан ҳозирги инқироз ҳақида музокаралар олиб бораётганини ва бу «энг ёмон энергия инқирози» бўлиши мумкинлигини таъкидлади.
Шунингдек, Абдул Азиз бин Салмон Саудия Арабистони нефтнинг энг ишончли етказиб берувчиси эканини таъкидлади.
Вазирнинг сўзларига кўра, Saudi Aramco компаниясининг Европага нефть етказиб бериш ҳажми сентябрь ойида 950 минг баррелни ташкил этган бўлса, ўтган йили бу кўрсаткич 490 минг баррелга тенг бўлган.
Аввалроқ Европага нефть етказиб бериш икки йил ичида энг юқори даражага етгани ҳақида хабар берилганди.
Россия ҳамон Европага энг йирик нефть етказиб берувчи бўлиб қолмоқда, бироқ унинг етказиб беришдаги улуши 21 фоизга тушиб кетди. Бир йил аввал эса у ўртача 34 фоизни ташкил қиларди.
Изоҳ (0)