“Real” “Tottenhem” yulduziga qiziqish bildirmoqda

“Tottenhem” hujumchisi Son Hyon Min faoliyatini Ispaniya chempionatida davom ettirishi mumkin.

30 yoshli futbolchiga Madridning “Real”idan qiziqish bor. Sonning olib kelishni madridliklar ustozi Karlo Anchelotti xohlamoqda, deya xabar qilmoqda Sport1.

Janubiy Koreya terma jamoasi sardori faoliyatidagi keyingi qadamni bosishga tayyor. Yaqin oylar ichida Son kelajagi borasida yaxshilab o‘ylab ko‘radi va yakuniy qarorni chiqaradi.

Son Hyon Min Premyer Liga joriy mavsumida 12 ta o‘yin o‘tkazib, 3 ta gol va 2 ta golli uzatma muallifiga aylandi.

Koreyalik forvardning “shporlar” bilan amaldagi shartnomasini 2025-yilning yoziga qadar mo‘ljallangan.

Qayd etish kerak, “Real” va “Tottenhem” jamoalari o‘zaro yaxshi munosabatda. Yaqin o‘tmishda “qaymoqranglilar” ingliz klubidan Luka Modrich, Garet Beyl kabi yulduzlarni sotib olgandi.