Qirg‘iziston mamlakatdan ko‘mir eksport qilishni olti oyga taqiqladi

Qirg‘iziston hukumati mamlakatdan ko‘mir eksportini vaqtincha taqiqlashga qaror qildi. Bu haqda “TASS” xabar bermoqda.

Qirg‘iziston hududidan avtomobil transportida ko‘mir olib chiqishni olti oy muddatga vaqtinchalik taqiqlash to‘g‘risida qaror qabul qilindi. Qirg‘iziston—Xitoy davlat chegarasidagi “Irkeshtam — avtomobil yo‘li” va “To‘rug‘art — avtomobil yo‘li” o‘tkazish punktlari bundan mustasno, — deyiladi hukumat saytida e’lon qilingan qarorda.

Mamlakat Iqtisodiyot va savdo vazirligiga mazkur qaror kuchga kirgan kundan boshlab uch kundan kechiktirmay, belgilangan tartibda Jahon savdo tashkiloti va Yevrosiyo iqtisodiy komissiyasini bu haqda xabardor qiladi.

Qirg‘iziston Tashqi ishlar vazirligi esa MDH Ijroiya qo‘mitasini qaror haqida xabardor qilishi kerak.

Ushbu qarorning ijrosini nazorat qilish Qirg‘iziston Respublikasi Prezidenti va Vazirlar Mahkamasi Prezidenti qarorlari ijrosini nazorat qilish bo‘limiga yuklansin, — deyiladi qarorda.

Mazkur qaror rasmiy e’lon qilingan kundan boshlab uch kun o‘tgach kuchga kiradi.

Avvalroq O‘zbekistonda ko‘mir ishlab chiqarish hajmi oshishda davom etayotgani haqida xabar berilgandi.