Қирғизистон мамлакатдан кўмир экспорт қилишни олти ойга тақиқлади

Қирғизистон ҳукумати мамлакатдан кўмир экспортини вақтинча тақиқлашга қарор қилди. Бу ҳақда «ТАСС» хабар бермоқда.

Қирғизистон ҳудудидан автомобиль транспортида кўмир олиб чиқишни олти ой муддатга вақтинчалик тақиқлаш тўғрисида қарор қабул қилинди. Қирғизистон—Хитой давлат чегарасидаги «Иркештам — автомобиль йўли» ва «Тўруғарт — автомобиль йўли» ўтказиш пунктлари бундан мустасно, — дейилади ҳукумат сайтида эълон қилинган қарорда.

Мамлакат Иқтисодиёт ва савдо вазирлигига мазкур қарор кучга кирган кундан бошлаб уч кундан кечиктирмай, белгиланган тартибда Жаҳон савдо ташкилоти ва Евросиё иқтисодий комиссиясини бу ҳақда хабардор қилади.

Қирғизистон Ташқи ишлар вазирлиги эса МДҲ Ижроия қўмитасини қарор ҳақида хабардор қилиши керак.

Ушбу қарорнинг ижросини назорат қилиш Қирғизистон Республикаси Президенти ва Вазирлар Маҳкамаси Президенти қарорлари ижросини назорат қилиш бўлимига юклансин, — дейилади қарорда.

Мазкур қарор расмий эълон қилинган кундан бошлаб уч кун ўтгач кучга киради.

Аввалроқ Ўзбекистонда кўмир ишлаб чиқариш ҳажми ошишда давом этаётгани ҳақида хабар берилганди.