«Манчестер Юнайтед» ҳужумчиси Криштиану Роналду прокурор қилганидек «Ювентус»даги маошини очиқлашни рад этди.
La Stampa нашрининг хабарига кўра, Турин жамоаси прокурори «Ювентус»нинг молиявий қоидабузарларини текшириш доирасида манкунианликлар шарафини ҳимоя қилаётган Роналдудан Италиядаги маоши қанча бўлганини сўраган.
Криштиану эса буни рад этган ва Турин прокуратураси билан ҳамкорлик қилишдан бош тортган.
2021 йилнинг ноябрь ойидан буён «Ювентус» президенти Андреа Анелли, вице-президент Павел Недвед, шунингдек, тўрт нафар ходим кузатув остидалиги маълум бўлганди. Улар 50 миллион евро атрофида сохта молиявий ҳисобот тайёрлаганликда айбланмоқда.
Эслатиб ўтамиз, «Тоттенҳэм»га қарши баҳсда захирада қолдирилган Роналду учрашув якунланмасидан кийиниш хонасига равона бўлган.
«Манчестер Юнайтед» устози Эрик тен Ҳаг футболчини жамоавий машғулотлардан маълум муддатга четлатган ва «Челси»га қарши ўйин қайдномасига киритмаган.
Аввалроқ манкунианликлар бош мураббийи португалиялик ҳужумчи қилмиши учун узр сўраб, ўйинларнинг асосий дақиқасидан майдонга тушмасликка рози бўлса, уни асосий таркибга қайтаришга тайёрлиги хабар қилинганди.
37 ёшли ҳужумчи жорий мавсум АПЛда 8 та ўйинда иштирок этиб, битта гол муаллифига айланди.
Изоҳ (0)