Pokistonlik jurnalist Arshad Sharif Keniyada otib o‘ldirildi. Buni marhumning rafiqasi tasdiqladi, deb xabar bermoqda The Siasat Daily.
Pokiston Tashqi ishlar vazirligi matbuot kotibi Asim Iftixorning aytishicha, Pokistonning Keniyadagi Oliy komissiyasi mamlakat hukumatidan ma’lumot olmoqda.
Jurnalistning vafoti munosabati bilan siyosatchilar va hamkasblari hamdardlik bildirdi. Pokiston prezident Orif Alvi Sharifning o‘limini jurnalistika va Pokiston uchun yo‘qotish deb atadi.
“Arshad Sharif oddiy hamkasb yoki birodar emas. Men undanda olijanob odamni bilmayman. Uni otib o‘ldirishdi. Juda yosh payti, o‘ta shafqatsizlik bilan”, — deb yozdi Hum News boshlovchisi Meher Boxari Twitter’da.
Jurnalistlar Kamran Xon va Shahboz Rana Sharifning o‘ldirilishi bo‘yicha tergov o‘tkazishga chaqirdi, deb xabar bermoqda Dawn news.
2022-yilning boshida politsiya Sharif, ARY Digital Network telekanali prezidenti va bosh direktori Salmon Iqbol, yangiliklar va dolzarb masalalar bo‘limi boshlig‘i Ammad Yusaf, boshlovchi Xavar Gumman va prodyuserni siyosatchi Shahbaz Gillning munozarali intervyusi tufayli fitna uchun javobgarlikka tortgan edi.
Bir kun o‘tib, Ichki ishlar vazirligi telekanalning e’tiroz yo‘qligi to‘g‘risidagi guvohnomasini “agentliklarning negativ xabarlari” sabab bekor qildi, keyinchalik guvohnoma Oliy sud qarori bilan bekor qilindi.
Shundan keyin Sharif mamlakatni tark etgan, deb xabar berdi Dawn news. Keyinchalik ARY tarmog‘i Sharif bilan “yo‘llari ayro ketgani”ni e’lon qildi.
Izoh (0)