Germaniyaning Potsdam shahrida joylashgan Barberini muzeyida Letzte Generation (“So‘nggi avlod”) harakati faollari impressionist Klod Monening “Pichan g‘arami” kartinasiga kartoshka pyuresini sepib yubordi, deb xabar beradi “RIA Novosti”. Aksiyada ikki kishi qatnashdi — kartinaga pyure to‘kkanidan keyin ular polga o‘tirib, devorga qo‘llarini yelim bilan yopishtirib qo‘ydi.
“Odamlar och qolmoqda, odamlar sovuqda qolmoqda, odamlar o‘lib ketmoqda — biz iqlim falokatiga duch keldik, siz esa rasmlarga to‘kilayotgan kartoshka pyure yoki tomatli sho‘rvadan xavotirdasiz, xolos”, — dedi faollardan biri. Faollar qo‘lga olindi.
“Pichan g‘arami” (1890-yil) kartinasi avvalroq auksionda 110 million dollarga sotilgan edi. Muzey xabariga ko‘ra, aktivistlar xatti-harakatlari natijasida unga zarar yetmagan.
O‘tgan hafta Just Stop Oil tashkiloti faollari Londondagi Milliy galereyada Van Gogning “Kungaboqarlar” kartinasiga tomatli sho‘rva to‘kib yuborgandi. Kartina shisha bilan qoplangani uchun zarar ko‘rmagandi.
Mavzuga doir:
- Luvrda “Mona Liza” kartinasiga tort chaplashga urinishdi (video)
- Ermitaj Da Vinchi, Van Gog va Mone kartinalarining NFT-nusxalarini auksionga qo‘ydi
- Nyu-Yorkdagi auksionda salkam yarim mlrd dollarlik kartinalar sotildi
- Monening “Pichan g‘arami” surati fransuz musavviri asarlari uchun rekord summaga sotildi
Izoh (0)