Niderlandiya Ukrainaga harbiy texnika uchun 500 million yevro ajratadi. Bu haqda Niderlandiya Mudofaa vazirligi saytida e’lon qilindi.
Niderlandiya mudofaa vaziri Kays Ollongrenning so‘zlariga ko‘ra, mablag‘ Yevropa tinchlik fondidan olinadi.
Qayd etilishicha, Yevropa Ittifoqi o‘quv missiyasiga Niderlandiya—Germaniya minalardan tozalash mashqlarini kiritish imkoniyati ko‘rib chiqilmoqda.
Ollongren Ukraina harbiylari ham qurol-yarog‘larni o‘rganishda, ham harbiy bilim va ko‘nikmalarni egallashda sezilarli yutuqlarga erishayotganini ta’kidladi.
“Qurol va o‘q-dorilar yetkazib berish, shuningdek, ukrainalik harbiylarni o‘z qurollaridan optimal foydalanishi va saqlab turishi uchun o‘qitish ham o‘z samarasini bermoqda. Harbiy sohadagi ushbu progresslardan Ukrainaning oqilona foydalanayotganini ko‘rmoqdamiz”, — dedi vazir.
Bundan tashqari, u osmon mudofaasini kuchaytirish uchun Ukrainaga jami 15 million yevrolik zenit-raketalar topshirilishini e’lon qildi.
Izoh (0)