Isroilning Ukrainadagi elchisi Mixail Brodskiy nima uchun o‘z mamlakati hukumati Kiyevga qurol yetkazib berishga rozi bo‘lmasligini tushuntirdi, deb yozadi UNIAN.
Qisqacha aytganda, hammasi oddiy: hech bir Isroil hukumati vakili Rossiya bilan munosabatlarda “qizil chiziqlar”dan tashqariga chiqish, Ukrainaga qurol yetkazib berishga rozilik berish mas’uliyatini o‘z zimmasiga olmaydi, chunki vaziyat keskinlashgan taqdirda hech kim Isroilni himoya qilmaydi.
“Biz NATO a’zosi emasmiz. Ukrainaga eng ko‘p harbiy yordam ko‘rsatayotgan davlatlar NATOga a’zo bo‘lgan davlatlardir va ular NATO himoyasi ostida. Isroil qo‘shni davlatlarning tajovuzkorligiga bir o‘zi qarshilik ko‘rsatadi. Terrorga qarshi ham bir o‘zi kurashadi. Isroil Yaqin Sharqda bo‘lib o‘tgan urushlarning barchasida yakka o‘zi g‘alaba qozondi”, — dedi Isroilning Ukrainadagi elchisi Mixael Brodskiy.
Uning so‘zlariga ko‘ra, “bugungi kunda Yaqin Sharq unchalik ham tinch mintaqa emas”. Isroil va uning aholisi uchun xavf saqlanib qolmoqda.
“Shuning uchun Isroil o‘z mamlakatidagi xavfsizlik vaziyatining yomonlashishiga olib kelishi mumkin bo‘lgan va kelajakda urushga, tinch aholining va isroillik askarlarning o‘limiga olib kelishi mumkin bo‘lgan qizil chiziqlardan chiqmasdan harakat qilmoqda. Birorta ham Isroil hukumati vakili bunga rozi bo‘lmaydi”, — deydi Brodskiy.
“Rossiya bir necha yillardan beri mintaqamizda muhim rol o‘ynamoqda, ayniqsa, 2015-yildagi Suriya bilan chegaralarimizda Rossiya kontingenti paydo bo‘lganidan beri. Isroil Yaqin Sharq siyosatida bu omilni hisobga olishi kerak”, — deya qo‘shimcha qildi u.
Avvalroq Isroil Ukrainaga qurol bermasligi, ammo raketa hujumidan ogohlantirish tizimida yordam berishga tayyor ekanligi haqida xabar berilgan edi.
Mavzuga doir:
Izoh (0)