Futbol bo‘yicha O‘zbekiston kubogi finalini kuzatish istagidagi namanganlik muxlislar uchun Buxoroga maxsus poyezd yo‘lga qo‘yildi

Futbol bo‘yicha O‘zbekiston kubogining Buxoro shahrida bo‘lib final bahsini bevosita stadionda kuzatish istagidagi namanganlik muxdislar uchun maxsus poyezd reysi yo‘lga qo‘yildi. Bu haqda “Daryo” muxbiri Azizbek Abduvaliyev xabar bermoqda.

Namangan viloyati hokimligi tashabbusi bilan “O‘zbekiston temir yo‘llari” aksiyadorlik jamiyati tomonidan amalga oshirilayotgan mazkur reys 29-oktyabr kuni Namangandan yo‘lga chiqadi va ertasiga Buxoroga yetib boradi.

Qaytish esa 30-oktabr kuni kechga mo‘ljallangan bo‘lib, poyezd 31-oktabr kuni Namanganga kirib keladi.

Mazkur maxsus reys uchun chiptalar bugundan Namanganda sotuvga chiqarilgan va borish-kelish uchun 515 ming so‘m etib belgilandi.

Ma’lumot uchun, Namanganning “Navbahor” va Qarshining “Nasaf” jamoalari ishtirokidagi futbol bo‘yicha O‘zbekiston kubogi final o‘yini 30-oktabr kuni, soat 17:00 da Buxoro shahridagi “Markaziy” o‘yingohida bo‘lib o‘tadi.

Mavzuga doir: Sariq kartochka olgan Babayan, muxlislarga to‘la stadion, g‘alabadan sarmast “Navbahor”. O‘zbekiston Kubogi yarim finalidan fotogalereya