Футбол бўйича Ўзбекистон кубогининг Бухоро шаҳрида бўлиб финал баҳсини бевосита стадионда кузатиш истагидаги наманганлик мухдислар учун махсус поезд рейси йўлга қўйилди. Бу ҳақда «Дарё» мухбири Азизбек Абдувалиев хабар бермоқда.
Наманган вилояти ҳокимлиги ташаббуси билан «Ўзбекистон темир йўллари» акциядорлик жамияти томонидан амалга оширилаётган мазкур рейс 29-октябр куни Намангандан йўлга чиқади ва эртасига Бухорога етиб боради.
Қайтиш эса 30 октябрь куни кечга мўлжалланган бўлиб, поезд 31 октябрь куни Наманганга кириб келади.
Мазкур махсус рейс учун чипталар бугундан Наманганда сотувга чиқарилган ва бориш-келиш учун 515 минг сўм этиб белгиланди.
Маълумот учун, Наманганнинг «Навбаҳор» ва Қаршининг «Насаф» жамоалари иштирокидаги футбол бўйича Ўзбекистон кубоги финал ўйини 30 октябрь куни, соат 17:00 да Бухоро шаҳридаги «Марказий» ўйингоҳида бўлиб ўтади.
Изоҳ (0)