Davlat ekologiya qo‘mitasi tasarrufidagi “Surxon” davlat qo‘riqxonasiga o‘rnatilgan fotoqopqon obyektiviga noyob jonivor hisoblangan manul tushdi. Bu haqda ekoqo‘mita axborot xizmati xabar qildi.
Qayd etilishicha, manul— kamyob, kam o‘rganilgan kenja tur. TMXIning Qizil ro‘yxatiga kiritilgan.
Tarqalishi: Qizilqum cho‘lidan, Keles daryosining quyi qismidan, Surxondaryoning yuqori oqimidan, Boysuntog‘ va Ko‘hitang tog‘idan aniqlangan topilmalari orqali ma’lum. Biroq O‘zbekistonga chegaradosh hududlarda – Ustyurtning Qozog‘istonga tegishli qismida, Sirdaryo bo‘ylab Qizilqumning sharqiy qismi va Tojikistonda ham manulning uchrashi ular ancha keng tarqalganini taxmin qilishga imkon beradi.
Yashash joylari: Tekis yonbagirlar va qoyalarga tutash keng vodiylar. Balandligi dengiz sathidan 800—1500 metrgacha bo‘lgan pasttog‘lar va cho‘l qoldiq tog‘lari.
Ushbu jonivor o‘tgan asrning o‘rtalaridan beri O‘zbekistonda 10 martacha uchragani qayd qilingan. O‘zbekistonga tutash hududlarda ham tabiatan kam sonli, sanoqli darajada uchraydi.
Izoh (0)