Ukrainadagi mojarodan eng ko‘p AQSH manfaatdor, dedi Fransiya sobiq prezidentligiga nomzod, Ekologiya, barqaror rivojlanish va energetika sobiq vaziri Segolen Ruayal Isroilning i24news telekanaliga bergan intervyusida.
Ruayalning so‘zlariga ko‘ra, Yevropa Ittifoqi va Fransiya o‘z betarafligini yo‘qotib, AQSH va NATOning harakatlariga qo‘shilishga majbur bo‘lmoqda.
Uning fikricha, xalqaro munosabatlarda Parijda “so‘z erkinligi” borligi Ukrainadagi mojaroning oldini olgan bo‘lardi. “Ammo Fransiya bu urushdan eng birinchi manfaatdor bo‘lgan AQSHga qo‘shilishga majbur”, — deya qo‘shimcha qildi Royal.
Siyosatchining ta’kidlashicha, Yevrokomissiya rahbari Ursula fon der Lyayen “NATO vakili”ga aylanib qoldi. U Lyayenning so‘zlari hamda Pentagon va AQSH Markaziy razvedka boshqarmasining bayonotlari o‘rtasida hech qanday farqni ko‘rmagan.
Segolen Ruayal Fransiya Sotsialistik partiyasi vakili. U 2007-yilda Fransiya prezidentligiga nomzodini qo‘ygan ammo eng yaqin raqibi Nikolya Sarkoziga yutqazgan.
Izoh (0)