Rossiya mudofaa vaziri Sergey Shoygu Ukraina hukumati “iflos bomba” yordamida provokatsiya tayyorlayotganini da’vo qildi. Ukraina, AQSH, Britaniya va Fransiya tashqi ishlar vazirlari “iflos bomba” haqidagi xabarlarni yolg‘on deb atadi. Rossiyaning eng mashhur harbiy muxbirlaridan biri, WarGonzo loyihasi asoschisi Semyon Pegov Donetsk viloyatida yaralandi. Anneksiya qilingan Xersonda hududiy mudofaa bo‘linmalari tuzilishi haqida e’lon qilindi. Bahmutda doimiy o‘qqa tutishlar davom etmoqda, Rossiya Nikolayev va Xarkov viloyatidagi aholi punktlariga raketa hujumlarini uyushtirmoqda. Meduza urushning 242-kuniga oid asosiy suratlarni e’lon qildi.
Bahmut
Bahmutlik fuqaro shahar o‘qqa tutilgandanidan keyingi yong‘inni o‘chirmoqda. Donetsk viloyatida joylashgan ushbu shaharda bir necha oydan beri janglar davom etmoqda — hudud doimiy o‘qlar yomg‘iri ostida.Foto: AFP
Bahmutdagi yong‘in ro‘paradagi binoning deraza oynasida aks etmoqda.Foto: AFP
Bahmutdan chiqish yo‘lida ayol yuk ortilgan velosipedini yetaklab bormoqda.Foto: AFP
Donetsk
Donetskdagi markaziy bozorda yurgan harbiylar. Rossiyaga qo‘shib olingan DXR rasmiylari oktabr oyi o‘rtalarida shahar ma’muriyati binosi Ukraina Qurolli kuchlari tomonidan HIMARS raketalari bilan o‘qqa tutilgani haqida xabar qilgandi.Foto: “TASS”
Donetsk viloyat klinik travmatologiya kasalxonasidagi yarador.Foto: “TASS”
Donetskdagi Artyom ko‘chasida yo‘l ta’mirlash ishlari ketmoqda.Foto: “TASS”
Donetskdagi supermarketlardan birining oldida o‘tirgan aholi.Foto: “TASS”
Xarkov va uning atrofi
Ruslan Burmenko akasi Roman Burmenkoning qabri yonida. Roman Bahmutdagi jangda yarador askarlarga yordam berardi, u 31 yoshida halok bo‘ldi.Foto: Reuters
Ishchilar Xarkovning Severnaya Saltovka mavzesida vayron bo‘lgan ko‘p qavatli uyning podyezdini ta’mirlamoqda. 21-oktabr kuni Xarkov viloyati rahbari Oleg Sinegubov Rossiya armiyasining shaharga qilgan hujumlari oqibatida besh kishi jarohatlangani, sanoat infratuzilmasi obyektlari vayron bo‘lganini aytdi. 22-oktabr kuni Rossiya Mudofaa vazirligi shaharda “Neptun” kemaga qarshi raketalari ishlab chiqariladigan “Kommunar” zavodi sexlariga zarba berilgani haqida ma’lum qildi.Foto: EPA
Xarkov viloyati, Kupyansk shahri yaqinidagi Petropavlovka qishlog‘ida vayron bo‘lgan kasalxona polida yotgan rus askarining jasadi.Foto: AFP
Ukrainaning Xarkov viloyatidagi Kamenka qishlog‘ida vayron qilingan rus tanki yaqinida snaryadlardan hosil bo‘lgan o‘ralar. Kamenka Izyum yaqinida joylashgan bo‘lib, 2022-yil sentabr oyida Ukraina Qurolli Kuchlarining qarshi hujumi natijasida ozod qilingan.Foto: Getty Images
Nikolayev
Odamlar 23-oktabr kuni Nikolayevga raketa hujumi oqibatida yuzaga kelgan vayronalarga qaramoqda. Ukraina prezidenti ofisi rahbari o‘rinbosari Kirilo Timoshenkoning so‘zlariga ko‘ra, shahar kechasi S-300 zenit-raketa majmuasidan o‘qqa tutilgan. Qurbonlar yo‘q.Foto: AFP
Nikolayevga raketa hujumidan keyin ko‘chada yig‘layotgan ayol.Foto: AFP
Nikolayevga raketa hujumidan keyin vayronalarni tozalayotgan odamlar.Foto: AFP
Nikolayevlik ayol Rossiya raketasidan zarar ko‘rgan turar joy binosi hovlisida. Foto: Reuters
15 yoshli Taisiya Kovaleva Nikolayevdagi uyi oldidagi bolalar maydonchasi vayronalari orasida turibdi, maydonchaga Rossiya raketasi urilgan. “Bolaligim shu maydonchada o‘tgan. Men butun qolgan shu arg‘imchoqlarning hammasida uchganman”, — dedi Taisiya.Foto: AP Photo
Nikolayevliklar Rossiya raketasidan vayron bo‘lgan kvartiralarini ko‘zdan kechirmoqda.Foto: AP Photo
Izoh (0)