Иқтисодий тадқиқотлар ва ислоҳотлар маркази Ўзбекистон автомобиль бозоридаги вазиятни баҳолади. Бу ҳақда марказ матбуот хизмати маълум қилди.
Сентябрь ойида маҳаллий ишлаб чиқарилган янги енгил автомобиллар савдоси 26 мингтани ташкил этди. Бу август ойига нисбатан 58 фоизга ўсган ва 2021 йил сентябрь ойига нисбатан сотувлар ҳажми 2,9 баравар ошган.
Маҳаллий автомобилларнинг бирламчи бозори
2021 йил сентябр ойига нисбатан янги автомобиллар бозорида автомобилларнинг ойлик савдоси 2,3 баравар (+16,8 минг) ошди.
Хорижда ишлаб чиқарилган автомобилларнинг Ўзбекистондаги дилерлар орқали сотуви 2022 йил учун ойлик рекорд даражага етди — 1 868 дона. Бундан аввалги энг яхши натижа ўтган йилнинг декабрида 2 411 дона кўрсаткич билан қайд этилган эди.
Шу билан бирга, бир ой ичида бирламчи автомобиль бозорида таклиф ҳажми 43 фоизга ошди, бу эса август ойи охирида UzAuto Motors томонидан янгиланган Chevrolet Tracker автомобилларига шартномалар бериш билан боғлиқ.
Иккиламчи автомобиль бозори
Янги автомобиллар етказиб бериш ҳажмининг ортиши ҳисобига сентябрь ойида иккиламчи бозорда сотувлар жорий йилнинг август ойига нисбатан 5,4 фоизга (93 мингта автомобиль) камайди.
Жорий йилнинг сентябрь ойида хорижда ишлаб чиқарилган янги автомобиллар сотуви сони 1,9 мингтани ташкил этди ва ойига 1,6 фоизга ўсди.
Изоҳ (0)