Space X va Tesla asoschisi, milliarder Ilon Mask Tesla’ning uchinchi chorakdagi daromadlari taqdimotida so‘zga chiqib, Tesla kapitallashuvi Apple va Saudiya Arabistoni milliy neft kompaniyasining (Aramco) kapitallashuvidan oshib ketishi mumkinligi haqida fikr bildirdi. Bu haqda “TASS” xabar bermoqda.
Biz Apple kompaniyasining joriy bozor qiymatidan sezilarli darajada oshib ketishimiz mumkinligiga ishonaman. Aslida men Tesla uchun Apple va Saudi Aramco ikkalasidan ham qimmatroq bo‘lishi mumkin bo‘lgan yo‘lni ko‘rmoqdaman, — deya Maskning so‘zlarini keltiradi CNBC telekanali.
Biroq milliarder buni osonlik bilan erishiladigan maqsad deb hisoblamasligini ta’kidlagan.
Bloomberg ma’lumotlariga ko‘ra, 19-oktabr holatiga ko‘ra, Tesla kapitallashuvi 695,7 milliard dollarga, Apple 2,3 trillion dollarga, Saudi Aramco 2,09 trillion dollarga (7,8 trillion Saudiya riyali) baholangan.
Avvalroq Ilon Mask Rossiya va AQSH bir-birini yarim soat ichida yo‘q qila olishini aytgandi.
Izoh (0)