Futbol bo‘yicha Yevropa Ligasi guruh bosqichining qoldirilgan 2-turida “Arsenal” 20-oktabr, payshanba kuni “PSV” bilan bahs olib bordi.
Birinchi bo‘limda londonliklar katta ustunlikka erishgan bo‘lsa-da, darvozalar daxlsizligi saqlanib qoldi. Ikkinchi bo‘lim ham “kanonirlar”ning faolligi ostida kechdi. 70-daqiqada Granit Jaka “Arsenal”ga g‘alaba keltiruvchi gol muallifiga aylandi.
Mikel Arteta shogirdlari A guruhida 12 ochko bilan peshqadam bo‘lib turibdi. “PSV” esa 7 ochko bilan 2-pog‘onada bormoqda.
Yevropa Ligasi
Qoldirilgan 2-tur bahsi
20-oktabr, payshanba
“Arsenal” — “PSV” 1:0
Gol: 1:0 – 70 Jaka.“Arsenal”: Terner, Tomiyasu (Uayt, 76), Holding, Gabriel, Tirni, Jaka, Lokonga (Parti, 67), Fabiu Vieyra (Edegor, 67), Saka (Nelson, 85), Gabriel Jezus (Martinelli, 76), Nketia.
“PSV”: Benites, Mvene, Ramalyo, Obispo, Maks (Teze, 66), Gutyerres, Sangare, Verman (de Yong, 77), Simons (Ledesma, 90), Til (Madueke, 65), Gakpo.
Ogohlantirishlar: Jaka (45), Gutyerres (56), Edegor (88), Tirni (88).
Izoh (0)