“Manchester Yunayted” raqib darvozasiga zarba berish bo‘yicha APLdagi rekordini yangiladi

“Manchester Yunayted” Premyer Liganing 11-turi doirasida kechgan “Tottenhem”ga qarshi o‘yinda 2:0 hisobidagi g‘alabani qo‘lga kiritdi.

Mankunianlar mazkur o‘yinda raqib darvozasi tomon 28 ta g‘alaba berdi. Antonio Kontening faoliyati davomida liga o‘yinlarida uning jamoalari bitta o‘yinda raqibga bu qadar ko‘p zarba berishga imkon bermagandi. Bu italiyalik mutaxassis uchun oliy divizionlardagi 318-o‘yin edi.

“Manchester Yunayted” birinchi bo‘limda mehmonlar darvozasi tomon jarima maydoni tashqarisidan 14 ta zarba berdi. Bu “qizil iblislar” uchun rekord natija hisoblanadi (mazkur statistika 2003/04-yilgi mavsumdan beri hisoblab kelinadi).

Yana bir ma’lumot, Konte safardagi mag‘lubiyatlarini eng ko‘p “Old Trafford”da qabul qilib olgan.

Mavzuga doir:

• Zaxirada qoldirilgan Ronaldu “Tottenhem”ga qarshi o‘yin tugamasidan kiyinish xonasiga kirib ketdi. Erik ten Hag bunga munosabat bildirdi
• Tyerri Anri: Erik ten Hag Ronaldu uchun emas, jamoa uchun “Manchester Yunayted”da