Plastik jarrohlikka ko‘p murojaat qilgan mashhurlarning suratlari tez-tez muhokamalarga sabab bo‘ladi. Afsuski, hatto eng malakali shifokor ham mukammal plastik jarrohlik natijalarini kafolatlay olmaydi: inson organizmi individualdir va u yoki bu manipulyatsiyaga reaksiya aksincha bo‘lishi mumkin. Ba’zi mijozlar, qoida tariqasida, shifokordan ortiqcha tuzatishlarni talab qiladi. Ammo natija ayon bo‘lgach, uni o‘zgartirish imkonsizligicha qolaveradi. “Noviy ochag” nashri plastik operatsiyadan so‘ng butunlay o‘zgarib ketgan mashhur Gollivud yulduzlari haqda so‘z yuritdi.
Demi Mur
Ushbu aktrisaning misolida aytish mumkinki, u haqiqatan ham plastik jarrohlikdan aziyat chekdi. Afsonaviy aktyor Bryus Uillisning sobiq rafiqasi uzoq vaqt davomida tashqi ko‘rinishi bilan hammani hayratda qoldirgandi va uning uchun hech qanday plastik jarrohlik kerak emasdek tuyilardi. Ammo u Fendi shousida podiumga chiqqanida, mehmonlar chiroyli kostyumni emas, balki uning yuzidagi kutilmagan o‘zgarishni muhokama qila boshladi: natija kutilganidek bo‘lmasa-da, aktrisaning yuz terisi tarang va ajinlardan holi ko‘rinishda bo‘lgan. Har qanday ayol 40 yoshdan oshgandan keyin bu kabi manipulyatsiyaga juda ehtiyot bo‘lishi kerak, chunki hayotning ushbu davrida yog‘ to‘qimalarining hajmi kamayib ketadi.
Viktoriya Bekhem
Viktoriyaning tashqi ko‘rinishida ko‘plab o‘zgarishlar yuz bergan. Albatta, bularning barchasi ham plastik jarrohlik tufayli emas. Masalan, u qomatini saqlash uchun muntazam ravishda sport bilan shug‘ullanishga va to‘g‘ri ovqatlanishga harakat qiladi. Ammo plastik jarrohlik tufayi burnining shaklini o‘zgartirgani va lablariga biroz hajm bergani uning muxlislarini xursand qilmadi. Shuningdek, botoks tufayli uning yuz ifodasi butunlay o‘zgarib ketgani ham muhokamalarga sabab bo‘ldi.
Kameron Diaz
2021-yilning yozida mahshur aktrisa o‘zining tashqi ko‘rinishi bilan barcha plastik operatsiyalari va manipulyatsiyalari haqida gapirib berdi. U rinoplastikaga murojaat qilganini aytarkan, bunga syorfingning ashaddiy muxlisi ekani va bu sport turi bilan shug‘ullanayotganda bir necha bor burnini sindirib olgani sabab bo‘lgan. Operatsiya muvaffaqiyatli o‘tkazildi, buni plastik jarrohlikdan oldingi va keyingi suratlarda ko‘rish mumkin. Ammo 2018-yilda Diazning yuzi shunchalik g‘ayritabiiy ko‘rindiki, u go‘yoki muxlislarining nafratiga uchradi. Shuning uchun ham aktrisa bugunda tabiiy qarishni afzal ko‘radi.
Xezer Loklir
Aktrisaning tabiiy go‘zalligidan shunchalar oz narsa qolganki, bunga uning turmush tarzini aybdor qilish mumkin. Spirtli ichimlik va giyohvand moddalar har qanday organizmga jiddiy zarar yetkazishi aniq. Shu bilan birga, aktrisa vaqti-vaqti bilan operatsiya stoliga avvalgi ko‘rinishiga qaytish uchun yotdi. Biroq giyohvand moddalar bilan to‘lgan organizm shifokorlarning har qanday manipulyatsiyasiga qarshi reaksiyalarni keltirib chiqardi. Natjada aktrisaning go‘zal tashqi ko‘rinishi bilan birga, muxlislari ham uni tark etdi.
Izoh (0)