Rus kino olamida o‘z o‘rniga ega bo‘lgan aktrisa Anna Bolshova 14-oktabrga o‘tar kechasi Kaluga viloyatida o‘zining Audi rusumli mashinasida bir ayolni urib yubordi, deb xabar berdi Peopletalk nashri. Dastlabki ma’lumotlarga ko‘ra, mashinada aktrisaning yolg‘iz o‘zi bo‘lgan va spirtli ichimlik iste’mol qilmaganligi aniqlangan.
Aktrisaning o‘zi politsiyaga qo‘ng‘iroq qilgan va tez yordamni chaqirgan. Kaluga viloyati yo‘l politsiyasidagi manba aktrisa qorong‘ida piyodani ko‘rmagan degan xulosaga kelgan: “Bu qishloqdagi yo‘l yoritilmagan. Bolshovaning o‘zi politsiyaga qo‘ng‘iroq qildi va tez yordamni chaqirdi. Jabrlangan ayol shifoxonaga olib kelinguniga qadar vafot etgan”, — deyiladi xabarda.
Ma’lumot uchun, Anna Bolshova 1976-yilning 26-yanvarida Rossiyaning Moskva shahrida tug‘ilgan. Bolaligidan chang‘i uchish, ingliz tili, rasm chizish, qo‘shiq aytish, solfejio bilan shug‘ullangan Anna rejissorlik bo‘limida tahsil olgan. Aktrisa 1995-yilda Rossiya teatr san’ati akademiyasida o‘qishni tamomlaydi va “Gogol” nomidagi teatrga taklif qilinadi. Anna Bolshova faoliyati davomida “Frol Skobelev haqidagi komediya”, “Sodiq xotin” spektakllarida rol o‘ynagan. Aktrisaning kinodagi ilk debyuti “Yangi baxt bilan” serialida bo‘lgan.
Izoh (0)