Зеленскийнинг айтишича, Россия Украинанинг энергетика тизимига зарба бериб, украиналикларнинг Европа Иттифоқи мамлакатларига миграциясининг янги тўлқинини келтириб чиқармоқда, деб ёзади Meduza.
Бу ҳақда Украина президентининг Telegram-каналида жойлаштирилган Зеленскийнинг Европа кенгашига видеомурожаатида айтилган. Унинг сўзларига кўра, ракета зарбалари ва камикадзе дронларнинг ҳужумлари натижасида Украина энергетика тизимининг учдан бир қисми ишдан чиққан.
«Россиянинг бизнинг энергетика объектларимизга қарши террори Украина учун куз ва қишда имкон қадар электр ва иссиқлик билан боғлиқ кўпроқ муаммоларни келтириб чиқаришга қаратилган бўлиб, унга кўра, украиналиклар имкон қадар кўпроқ Европа мамлакатларига чиқиб кетишлари керак».
«Россия террорининг янги тўлқини кузатилмоқда. Бу бутун Европа ҳамжамиятидан тез ва бирдамликда янги қадамлар ташлашни талаб қилади. Ҳам украиналикларни, ҳам барча европаликларни ҳимоя қиладиган қадамлар. Террор мағлуб этилиши керак. Украина ва Европа ғалаба қозониши лозим», — деди Украина президенти.
Изоҳ (1)
Тарихда бу одам ёмон фикрлар билан эсланадиган одамга аёланиб булди. Кибрга берилмасдан, келишиши мумкин эдику. Кийналётган халк. Улар билан нима иши бор!