Ozarbayjon Mudofaa vazirligi o‘z harbiylarining Armaniston tomonidan o‘qqa tutilgani haqida xabar berdi

Ozarbayjon Mudofaa vazirligi 19-oktabr tunda Armaniston qurolli kuchlari Ozarbayjon armiyasining chegaradagi pozitsiyalarini vaqti-vaqti bilan o‘qqa tutgani haqida xabar berdi, deb yozadi “Interfaks”.

“19-oktabr kuni soat 22:35 dan 20-oktabr soat 00:25 ga qadar Armaniston Qurolli kuchlari bo‘linmalari Basarkechar viloyatining Guneshli, Yuxara Sho‘rja va Yuxara Zagala aholi punktlari yo‘nalishidagi (Ozarbayjon va Armaniston chegarasi) pozitsiyalaridan Armaniston vaqti-vaqti bilan Dashkesan tumanidagi Astaf va Kalbajardagi Mollabayramli aholi punktlari yo‘nalishida joylashtirilgan qo‘shinlarimiz pozitsiyalarini o‘qqa tutdi”, — deyiladi xabarda.

Ozarbayjon harbiylari “adekvat javob choralarini ko‘rdi”, deya qo‘shimcha qildi agentlik.

Armaniston Mudofaa vazirligi esa aksincha, o‘qqa tutishlar Ozarbayjon tomonidan amalga oshirilganini ta’kidlagan.