Shavkat Mirziyoyev Turkmaniston prezidenti Serdar Berdimuhamedovning taklifiga binoan rasmiy tashrif bilan ushbu mamlakatga yetib bordi. Bu haqda prezident matbuot xizmati xabar berdi.
Ashxobod xalqaro aeroportida davlat rahbarini Turkmaniston Vazirlar Mahkamasi raisi o‘rinbosari Botir Atdayev va boshqa rasmiy shaxslar kutib oldi.
Qisqa suhbatdan so‘ng O‘zbekiston prezidenti o‘zi uchun ajratilgan qarorgohga yo‘l oldi.
Tashrifning asosiy tadbirlari ertaga — 21-oktabr kuni bo‘lib o‘tadi.
Avvalroq Shavkat Mirziyoyev Serdar Berdimuhamedovning taklifiga binoan 20-oktabr kuni rasmiy tashrif bilan Turkmanistonga jo‘nab ketgani haqida xabar berilgan edi.
Bo‘lajak oliy darajadagi muzokaralar chog‘ida strategik sheriklik munosabatlarini yanada mustahkamlash va ko‘p qirrali hamkorlikni kengaytirish masalalari ko‘rib chiqiladi. Sammit yakunida ustuvor yo‘nalishlar bo‘yicha o‘ndan ziyod hujjat imzolanishi rejalashtirilgan.
Qayd etilishicha, Ashxobod shahrida “Toshkent” bog‘ining ochilishi, “Xorazm—Toshovuz” chegaraoldi savdo markazi qurilishining boshlanishi ham tashrifning muhim voqealari bo‘ladi.
Mavzuga doir:
Izoh (0)