Шавкат Мирзиёев Туркманистон президенти Сердар Бердимуҳамедовнинг таклифига биноан расмий ташриф билан ушбу мамлакатга етиб борди. Бу ҳақда президент матбуот хизмати хабар берди.
Ашхобод халқаро аэропортида давлат раҳбарини Туркманистон Вазирлар Маҳкамаси раиси ўринбосари Ботир Атдаев ва бошқа расмий шахслар кутиб олди.
Қисқа суҳбатдан сўнг Ўзбекистон президенти ўзи учун ажратилган қароргоҳга йўл олди.
Ташрифнинг асосий тадбирлари эртага — 21 октябрь куни бўлиб ўтади.
Аввалроқ Шавкат Мирзиёев Сердар Бердимуҳамедовнинг таклифига биноан 20 октябрь куни расмий ташриф билан Туркманистонга жўнаб кетгани ҳақида хабар берилган эди.
Бўлажак олий даражадаги музокаралар чоғида стратегик шериклик муносабатларини янада мустаҳкамлаш ва кўп қиррали ҳамкорликни кенгайтириш масалалари кўриб чиқилади. Саммит якунида устувор йўналишлар бўйича ўндан зиёд ҳужжат имзоланиши режалаштирилган.
Қайд этилишича, Ашхобод шаҳрида «Тошкент» боғининг очилиши, «Хоразм—Тошовуз» чегараолди савдо маркази қурилишининг бошланиши ҳам ташрифнинг муҳим воқеалари бўлади.
Мавзуга доир:
Изоҳ (0)