Ta’mirlash ishlari tufayli 21-oktabr kuni Toshkent shahri Yunusobod va Yashnobod tumanlarining ba’zi joylarida gaz ta’minoti vaqtinchalik to‘xtatiladi. Bu haqda “Hududgaz poytaxt” gaz ta’minoti filiali matbuot xizmati xabar berdi.
Qayd etilishicha, Yunusobod tumani Tiklanish ko‘chasida joylashgan gaz quvurini harakatdagi gaz quvuriga ulash ishlari olib borilishi rejalashtirilgan. Shu sababli 21-oktabr kuni soat 10:00 dan 17:00 ga qadar Tiklanish 9-10-11 tor ko‘chalaridagi 96 ta hovli xonadonda gaz ta’minoti vaqtinchalik to‘xtatiladi.
Shuningdek, Yashnobod tumani Mahzuna ko‘chasida joylashgan gaz quvurini harakatdagi gaz quvuriga ulash ishlari rejalashtirilganligi sababli 21-oktabr kuni soat 10:00 dan 17:00 ga qadar ushbu ko‘chadagi 16 ta hovli xonadonda hamda 9 ta ulgurji tashkilotda gaz ta’minoti vaqtichalik to‘xtatiladi.
“Hududgaz poytaxt” gaz ta’minoti filiali ta’mirlash ishlari tufayli yetkazilayotgan noqulayliklar uchun tabiiy gaz iste’molchilardan uzr so‘raydi, — deyiladi ogohlantirish xabarida.Mavzuga doir: Toshkentdagi 3 ta tumanning ba’zi hududlari 14-oktabrda vaqtincha gazsiz qoladi (ro‘yxat)
Izoh (0)