Katta yoshli aktyorlar filmlarda o‘zlaridan ancha yoshroq obrazlarni o‘ynashlari odatiy hol emas. Iqtidorli aktyorlar buni shu qadar ustalik bilan bajaradilarki, tomoshabinlar yoshdagi tafovutni sezmaydilar ham. AdMe nashri kino yulduzlari o‘zlari tasvirlagan qahramonlar bilan bir xil yoshda bo‘lganida aslida qanday ko‘rinishga ega bo‘lishlarini ko‘rsatadi.
Jennifer Lourens — Ketniss Everdin, “Hayot-mamot o‘yinlari”
“Hayot-mamot o‘yinlari” trilogiyasining 1-qismida bosh qahramon Ketniss 16 yoshda. Uni 21 yoshli Jennifer Lourens o‘ynaydi. Ammo aktrisa bu rolni shu qadar mohirlik bilan ijro etadiki, tomoshabin yoshlar orasidagi farqni payqamaydi ham.
Keyt Uinslet — Marianna Deshvud, “Aql va hissiyot”
1995-yilda Jeyn Ostinning “Aql va hissiyot” asarining ekranlashtirilgan variantida Keyt Uinslet opa-singil Deshvudlarning o‘rtanchasi — Marianani o‘ynaydi. O‘shanda qahramon 16 yoshda, aktrisaning o‘zi esa 20 yoshda edi.
Anya Teylor-Joy — Bet Harmon, “Qirolichaning yurishi”
2020-yilda mashhur “Qirolichaning yurishi” filmi ekranlarga chiqdi. Unda iqtidorli shaxmatchining bolalik, o‘smirlik va yoshlik yillari ko‘rsatilgan. Bosh rolni o‘ynagan Anya Teylor-Joy esa qahramonni yoshligida ham, yetuk yoshida ham ajoyib tarzda tasvirlagan.
Nikol Kidman — Satin, “Mulen Ruj”
Baz Lurmanning sehrli myuzikli 2001-yilda ekranlarga chiqqan. O‘sha paytda Nikol Kidman 33 yoshda edi, lekin u ancha yoshroq bo‘lishi kerak bo‘lgan mashhur raqqosa Satin rolini muvaffaqiyatli ijro etadi.
Sirsha Ronan — Kristin Makferson, “Byord xonim”
Komediyali drama sujetining markazida Byord xonim laqabli 17 yoshli o‘rta maktab o‘quvchisi Kristin turadi. Kartina ekranlarga chiqarilganda Sirsha Ronan 23 yoshda edi. Filmdagi roli uchun aktrisa ko‘plab nufuzli mukofotlarga nomzod bo‘lgan va yoshdagi tafovut bunga xalaqit bermagan.
Lili Kollinz — Rozi Dann, “Muhabbat ila, Rozi”
Lili Kollinz ham “Muhabbat ila, Rozi” komediyasida o‘rta maktab o‘quvchisiga aylanishda hech qanday muammoga duch kelmaydi. Film boshida bosh qahramonlar 18 yoshdan oshmaydi. Komediya chiqqanida aktrisa 25 yoshda edi, lekin u maktab o‘quvchisi qiyofasida juda tabiiy ko‘rinardi.
Mett Deymon — Skott Torson, “Shamdon ortida”
“Shamdon ortida” biografik dramasida Mett Deymon deyarli imkonsiz ishni qildi — u qahramondan 25 yosh katta bo‘lgan 18 yoshli murabbiy Skott Torson rolini ajoyib tarzda ijro etdi.
Juliya Roberts — Elizabet Gilbert, “Ye, ibodat qil, sev”
“Ye, ibodat qil, sev” romantik dramasi yozuvchi Elizabet Gilbertning xotiralari asosida yaratilgan. Sujetga ko‘ra, dunyo bo‘ylab sayohat qilayotgan qahramon 34 yoshda. Ekrandagi personajni gavdalantirgan maftunkor Juliya Roberts esa suratga olish paytida 43 yoshda edi.
Odri Xepbyorn — Xolli Golaytli, “Tiffanida nonushta”
“Tiffanida nonushta” romantik komediya sujetining markazida maftunkor qiz 19 yoshli Xolli Golaytli turadi. Suratga olish paytida maftunkor Odri Xepbyorn 30 yoshdan oshgan edi.
Izoh (0)