Ba’zida kasting menejerlari ham xatolarga yo‘l qo‘yishadi, buni kino muxlislari darhol sezadi: kimdir juda chiroyli, kimdir esa haqiqatga mos kelmasligi mumkin. Quyida rollariga umuman mos kelmagan aktyorlar haqida bilib olasiz.
Jozef Fayns Maykl Jekson rolida (“Shahar afsonalari”)
Pop qirolini deyarli butun dunyo sevadi va uning obrazini ekranda gavdalantirish juda qiyin. Ammo “Shahar afsonalari” komedik seriali ijodkorlari aktyorni o‘xshatishga umuman harakat ham qilib ko‘rmagan: hatto xonandaning jiyani ham bu mavzuda gapirib, aktyor tanlashni “hurmatsizlik” deb atadi. Serialning ushbu epizodini mashhur tanqidchilar qabul qilishmagan.
Emma Uotson Bell rolida (“Sohibjamol va maxluq”)
Ba’zi tomoshabinlar va tanqidchilar Bell roliga Emma Uotson mos tushmagan deb hisoblashgan. “Nuh” filmida uning qahramoni ko‘pchilikni hayratda qoldirdi, ammo “Sohibjamol va maxluq” filmida Emma shu qadar zerikarli ediki, qizga aktyorlik bo‘yicha darslikni qayta o‘qish tavsiya qilindi. Tomoshabinlar Uotsonni go‘zalligini tan oladi, lekin bu filmda u juda zerikarli obraz yaratgan, kinoijodkorlar esa myuzikldagi rol uchun kuylay oladigan aktrisani tanlashlari kerak edi.
Natali Portman Lina rolida (“Yo‘qolish”)
Aktrisaning har qanday muxlisi Natalining “Qora oqqush” filmidagi ajoyib ijrosini eslaydi. Balerina rolida u ko‘pchilikning ko‘nglidan joy oldi, ammo tomoshabinlarning fikriga ko‘ra, u “Yo‘qolish” filmidagi biolog olima rolini uddalay olmagani. “Har bir sahnada Portman boshqa aktyorlarning soyasida qolib ketadi. Va bu hayratlanarli, chunki u bosh qahramon edi”, — deydi tomoshabinlar o‘z fikrlari bilan o‘rtoqlashib.
Tilda Suinton Dianna rolida (“Komplekssiz qiz”)
Odatda Suintonning barcha qahramonlari nostandart ko‘rinadi va uzoq vaqt davomida xotirada qoladi, ammo “Komplekssiz qiz” filmida uning xarakteri tomoshabinga tanish bo‘lgan aktrisaning “g‘ayrioddiy” rolidan uzoq. Filmda u razil ishbilarmon ayolni o‘ynaydi va tomoshabinlarga aktrisaning ajoyib iste'dodi shunchaki behuda ketgandek tuyuldi.
Kianu Rivz Jonatan Xarker rolida (“Brem Stoker Drakulasi”)
Drakula romanining ushbu filmga moslashuvi eng yaxshilaridan biri deb hisoblanishiga qaramay, ko‘plab tomoshabinlar Kianuning Jonatan rolini ijro etganiga sovuqqonlik bilan munosabatda bo‘lishdi. Aktyorning inglizcha talaffuzi ishonchsiz chiqqan.
Uning ijrosi zerikarli deb topilgan va u Entoni Xopkins va Gari Oldmen kabi yulduzlar yonida bunday tajribasiz aktyorning bo‘lishini yoqtirishmagan. Ammo “Matritsa” premyerasidan so‘ng Kianu o‘zining birinchi darajadagi yulduz ekanini isbotladi.
Deniz Richards doktor Krismas Jons rolida (“Dunyo yetarli emas”)
Film chiqqandan keyin kinoijodkorlar Deniz Richardsni doktor Jons roliga tasdiqlashgani uchun tanqidga uchradi. Tomoshabinlar fikricha, aktrisa rolini yaxshi o‘ynolmagan va yadro-fizik olim roli uchun juda yoshlik qiladi. Deniz hatto tarixdagi eng yomon Bond qizi deb ataldi.
Tomoshabinlar kimni eng yaxshi deb bilishadi? Shubhasiz, Monika Belluchchi: u 007 agentining qiz do‘sti rolida tomoshabinlar ko‘nglidan joy olgan. Aktrisaning o‘zi uni Bond qizi deb atash noto‘g‘ri ekanligini aytadi. “Qiz deyish uchun yoshim kattalik qiladi. Aksincha: “Bond xonimi” yoki “Bond ayoli”, desa ham bo‘laveradi”, — deydi Monika.
Fleks Aleksander Maykl Jekson (“Ko‘zgudagi odam”)
Maykl Jekson rolini o‘ynagan faqatgina Fayns emas edi. 2004-yilda “Ko‘zgudagi odam: Maykl Jekson hayoti” filmi suratga olindi, unda qo‘shiqchi rolini Fleks Aleksander o‘ynadi.
Ushbu film ham tanqidchilar tomonidan e'tibordan chetda qolmadi. “Men ko‘rgan eng yomon aktyorlik ishi”, — deb yozgan ulardan biri. “Grim, sahnalashtirish va kamera ishi shunchalik yomonki, buni haqorat deb qabul qilish mumkin”, — degan tanqidchilardan yana biri.
Izoh (0)