Рус кино оламида ўз ўрнига эга бўлган актриса Анна Большова 14 октябрга ўтар кечаси Калуга вилоятида ўзининг Аudi русумли машинасида бир аёлни уриб юборди, деб хабар берди Peopletalk нашри. Дастлабки маълумотларга кўра, машинада актрисанинг ёлғиз ўзи бўлган ва спиртли ичимлик истеъмол қилмаганлиги аниқланган.
Актрисанинг ўзи полицияга қўнғироқ қилган ва тез ёрдамни чақирган. Калуга вилояти йўл полициясидаги манба актриса қоронғида пиёдани кўрмаган деган хулосага келган: «Бу қишлоқдаги йўл ёритилмаган. Большованинг ўзи полицияга қўнғироқ қилди ва тез ёрдамни чақирди. Жабрланган аёл шифохонага олиб келингунига қадар вафот этган», — дейилади хабарда.
Маълумот учун, Анна Большова 1976 йилнинг 26 январида Россиянинг Москва шаҳрида туғилган. Болалигидан чанғи учиш, инглиз тили, расм чизиш, қўшиқ айтиш, солфежио билан шуғулланган Анна режиссёрлик бўлимида таҳсил олган. Актриса 1995 йилда Россия театр санъати академиясида ўқишни тамомлайди ва «Гогол» номидаги театрга таклиф қилинади. Анна Большова фаолияти давомида «Фрол Скобелев ҳақидаги комедия», «Содиқ хотин» спектаклларида рол ўйнаган. Актрисанинг кинодаги илк дебюти «Янги бахт билан» сериалида бўлган.
Изоҳ (0)