O‘zbekistonda qor yog‘gani xabar berildi. Bu haqda xabar bergan “Daryo” o‘quvchilarining yozishicha, tog‘ga qor bugun tushgan.
Ma’lum bo‘lishicha, birinchi qor Jizzax viloyatining Zomin tog‘lari, shuningdek, Qashqadaryo viloyatining Hisor tog‘ tizmalariga tushgan.
Yer qor uchqunlaridan oqarib qoldi, — deydi xabar ulashuvchilardan biri.Avvalroq respublikaning tog‘oldi va tog‘li hududlarida havo o‘zgarib turishi, ba’zi joylarda yomg‘ir yog‘ishi, vaqti-vaqti bilan kuchli shamol bo‘lishi, baland tog‘larda yog‘ingarchilik bo‘lishi, yomg‘ir qorga aylanishi mumkinligi xabar berilgandi. Shuningdek, shamol g‘arbdan 7-12 metr/sekund tezlikda esishi, ba’zi joylarda 13-18 metr/sekundgacha kuchayishi, harorat kechasi 2 daraja sovuq va 3 daraja iliq, kunduzi 3-8 daraja iliq bo‘lishi kutilayotgani ma’lum bo‘lgandi.
Izoh (0)