2020-yildan 2030-yilgacha bo‘lgan davrda kamharakat hayot tarzi tufayli oldini olish mumkin bo‘lgan yuqumli bo’lmagan kasalliklarga chalinish bo‘yicha 500 milliondan ortiq holat yuz berishi mumkin. Bu haqda Jahon sog‘liqni saqlash tashkiloti (JSST)ning jismoniy faollik sohasidagi vaziyatga bag‘ishlangan ma’ruzasida aytiladi. Tashkilot hisob-kitoblariga ko‘ra, ushbu kasalliklarni davolash uchun xarajatlar 300 milliard dollardan oshib ketadi.
“Ushbu yuqumli bo‘lmagan kasalliklarning deyarli yarmi (47%) gipertoniya, 43 foizi esa depressiya oqibatida kelib chiqadi. Barcha holatlarning to‘rtdan uch qismi esa o‘rtachadan past yoki yuqori bo‘lgan mamlakatlarda yuz beradi. Eng katta iqtisodiy xarajatlar yuqori darajali daromadga ega mamlakatlar zimmasiga tushadi, ularning 70 foizi jismoniy faollik yetishmasligi natijasida kelib chiqqan kasalliklarni davolash bo‘yicha tibbiy-sanitariya xarajatlariga to‘g‘ri keladi”, — deya hujjatda ushbu vaziyatning iqtisodiy oqibatlari keltirib o‘tiladi.
Shuningdek, ma’ruzada aytilishicha, jismoniy faollikning muhimligini COVID-19 pandemiyasi hamda jismoniy tayyorgarligi turlicha bo‘lgan bemorlar tomonidan kasalliklarning o‘tkazilishi bo‘yicha qiyosiy tahlil ham tasdiqlagan.
Izoh (0)