Britaniyalik taniqli ijodkor Rod Styuart Ukrainadan kelgan qochqinlar oilasiga o‘z uyini berdi. Xonanda va musiqachi Rod Styuart va rafiqasi Penni Rossiya Ukrainaga bostirib kirganidan xabar topgach, ukrainaliklarga yordam qo‘lini cho‘zishga qaror qilgan, deb yozadi The Mirror.
Dastlab ular qochqinlar uchun yordam ortilgan yuk mashinalarini yuborgan. So‘ng 16 kishini Ukrainadan Berlinga olib o‘tgan. Yetti nafar ukrainalikka esa Styuartning o‘zi boshpana berdi.
Er-xotin Rostislav va Yelena hamda ularning besh nafar farzandi ayni paytda Berkshir grafligidagi kottejda yashaydi. Moliyaviy xarajatlarning barchasini san’atkor o‘z zimmasiga olgan.
Avgust oyida Ukraina prezidenti Vladimir Zelenskiy urush boshlanganidan keyin Ukrainani qo‘llab-quvvatlagan taniqli chet elliklarni davlat mukofotlari bilan taqdirlagan edi. Ular orasida AQSHning Rossiyadagi sobiq elchisi Maykl Makfol, dizayner Demna Gvasaliya, aktyorlar Shon Penn, Ben Stiller, Liv Shrayber, aktrisa Jessika Chesteyn bor.
Mavzuga doir:
- Britaniya qirolichasi xonanda Rod Styuartga ritsarlik unvonini berdi
- “Xayolim ayollar va bolalarda”. Gollivud yulduzi Penelopa Krus ukrainaliklarni ko‘zda yosh bilan qo‘llab-quvvatladi
- “Millionlab odamlar xavf ostida”. Gollivud aktrisasi Keyt Blanshett Ukrainadagi urush haqida videomurojaat yo‘lladi
- Stiven King Rossiyada o‘z kitoblarini chop etmaslikka qaror qildi. U mamlakatda asarlari eng ko‘p nashr qilinadigan yozuvchi
Izoh (0)