Samarqand viloyati Past Darg‘om tumanida mikroqarz va kredit mablag‘larini qo‘lga kiritgan shaxslar aniqlandi. Bu haqda Iqtisodiy jinoyatlarga qarshi kurashish departamenti xabar berdi.
Bosh prokuratura huzuridagi departamentning Past Darg‘om tumani bo‘limi tomonidan “Mikrokreditbank” ATB Juma filialining murojaatiga asosan tergovga qadar tekshiruv o‘tkazilgan. Unda ushbu bank filiali sobiq bosh mutaxassisi B.N. fuqaro A.X. bilan o‘zaro til biriktirib, hujjatlarni soxtalashtirish orqali 15 nafar fuqaroga 422 million so‘m mikroqarz va kredit ajratilishiga erishib, ushbu mablag‘larni firibgarlik yo‘li bilan qo‘lga kiritgani aniqlangan.
Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)