Google Rossiya Federatsiyasi Kengashining YouTube akkauntlarini blokladi. Kanallarda 200 000 dan ortiq obunachi va 20 000 ta video bor edi, deb xabar bermoqda kengashning Telegram-kanali.
“Federatsiya Kengashi va ‘Vmeste-RF’ telekanalining YouTube videoxostingidagi akkauntlari bloklandi, barcha ma’lumotlar qayta tiklash imkoniyatisiz o‘chirib tashlandi”, — deyiladi xabarda.
Qayd etilishicha, kanallar YouTube’da sakkiz yildan ortiq vaqtdan beri mavjud edi.
“Akkauntlarda Federatsiya Kengashi yig‘ilishlari, qo‘mitalar, kongresslar va forumlarning jonli efirlari, senatorlarning dolzarb masalalar bo‘yicha mulohazalari, Rossiya davlati tarixiga oid ma’rifiy dasturlar chop etib kelingan”, — deyiladi Federatsiya Kengashi matbuot xizmati xabarida.
Google xabarida aytilishicha, bloklashga sanksiyalar siyosati sabab bo‘lgan.
Izoh (0)