Rossiya prezidenti Vladimir Putin aslida butun G‘arbga urush e’lon qildi, Yevropada siyosiy qotilliklar ehtimoldan xoli emas. Bunday fikrni Germaniya Federal razvedka xizmati rahbari Bruno Kal va GFR konstitutsiyasini himoya qilish bo‘yicha boshqarma prezidenti Tomas Xaldenvang Bundestagdagi eshituvlarda bildirib o‘tdi.
Ularning aytishicha, Rossiyaning Ukrainaga qarshi urushi Putin butun demokratik dunyoga nisbatan urush e’lon qilganini bildiradi, “tutab turgan raqobat esa ochiqcha kurashga aylanib ketgan”.
Ularning qayd etishicha, urush “o‘yin qoidalarini o‘zgartirmoqda”, xususan, Germaniyada ichki xavfsizlikka ta’sir o‘tkazmoqda. Razvedkachilar joriy yil aprelida Germaniyadan 40 nafar Rossiya josusi chiqarib yuborilganini misol qilib keltirdi. “Ular hali hammasi emas”, deya ta’kidladi maxsus xizmatlar rahbarlari.
Xaldenvangning fikricha, Rossiya maxsus xizmatlari uchun operatsiyalardagi taqiq chegarasi pasaytirilgan, shu sababli kelajakda Germaniyada siyosiy qotilliklar yuz berishini istisno qilib bo‘lmaydi.
Bruno Kal Rossiya tomonidan yadro quroli qo‘llanilishi ehtimoli haqida ogohlantirdi. Uning so‘zlariga ko‘ra, tajovuzkor mamlakat prezidenti bunday huquqni o‘zida qoldirmoqda, yakunda esa bu Ukrainada taktik yadro quroli qo‘llanilishigacha yetib borishi mumkin.
Mavzuga doir:
- Rossiyaning Germaniyadagi elchisi zudlik bilan mamlakat Tashqi ishlar vazirligiga chaqirildi
- Germaniya may oyidan buyon Ukrainani razvedka ma’lumotlari bilan ta’minlab kelmoqda — OAV
- Shols Ukrainaga tanklarni yuborish xavfi haqida gapirdi. Berlin Rossiya bilan to‘g‘ridan to‘g‘ri urush xavfidan cho‘chimoqda
Izoh (0)