Samarqand viloyatining Urgut tumanida maktab direktori 12 yoshli o‘quvchini urishi oqibatida uning quloq pardasi yirtildi. Bu haqda Zo‘r TV telekanalining “Bu kun” informatsion dasturida xabar berildi.
Ma’lum qilinishicha, o‘quvchilar o‘tirgan sinfxonada bolalar tomonidan paqildoq portlatilgan. Shundan so‘ng maktab direktori kelib o‘quvchilardan birining qulog‘iga shapaloq tushirgan. Jarohatlangan o‘quvchi shifoxonaga olib borilgan. Shifokorning so‘zlariga ko‘ra, zarba oqibatida bolaning quloq pardasi teshilgan.
Aytishlaricha, jabrlangan bolaning umuman aybi bo‘lmagan. Sinfxonada portlatilgan paqildoq maktab oshxonasidan sotib olingan. Yaqinda ta’mirdan chiqarilgan maktabda zamonaviy kuzatuv kameralari ham o‘rnatilgan, biroq tasvirlar qasddan o‘chirib yuborilgan.
Maktab direktori o‘rinbosari esa kameralar ishlayotgani, o‘sha kungi tasvirlar ham borligini aytgan.
Samarqand viloyati IIB matbuot kotibining bildirishicha, holat yuzasidan Urgut tumani IIB tomonidan tergovga qadar tekshiruv harakatlari olib borilmoqda.
Mavzuga doir:
Izoh (0)