Chery kompaniyasi O‘zbekiston hududida avtomobil ishlab chiqarish va sotishni yo‘lga qo‘yishni boshlamoqda. Bu haqida jurnalistlar bilan uchrashuv davomida kompaniya vakillari xabar berdi. Roodell kompaniyasi tomonidan tashkil etilgan tadbirda Xitoyning Chery kompaniyasi, ADM Jizzax kompaniyasi xodimlari va ommaviy axborot vositalari vakillari ishtirok etdi.
Tadbir ishtirokchilari jonli efirda ADM Jizzax zavodida yig‘ilgan ilk Chery avtomobillarining taqdimoti va ularning tavsifi, shuningdek, Chery kompaniyasining brend tarixi va O‘zbekistonda avtomobil ishlab chiqarish bo‘yicha kelajakdagi rejalari bilan tanishishdi.
Kompaniya vakillarining xabar berishicha, Chery avtomobillarining mamlakatimizdagi rasmiy narxlari va xarid qilish shartlari 2022-yilning 27-oktabr kuni ma’lum qilinadi. Dastlabki bosqichda sotuvga uchta model chiqariladi — bular:
Chery Tiggo 8 Pro Max
Chery Tiggo 8 Pro
Chery Tiggo 7 Pro
E’tiborli jihati, ADM Jizzax zavodida yig‘iladigan Chery 8 Pro Max avtomobili uchun 7 yil yoki 200 000 km kafolat beriladi. Bu O‘zbekiston bozori uchun eng katta kafolat muddati hisoblanadi. Chery Tiggo 8 Pro va Chery Tiggo 7 Pro avtomobillari uchun kafolat muddati 5 yil yoki 150 000 kmni tashkil etadi.
Sotuvga chiqarilayotgan Chery avtomobillari haqida
Tiggo 7 Pro
Avtomobilning maksimal quvvati 165 ot kuchi va 6,6 litr yonilg‘i sarfiga ega 1,5TCI turbo dvigatel bilan jihozlangan.
Tiggo 8 Pro
186 ot kuchiga ega kuchli turbo 1,6 TGDI dvigatel Chery tomonidan Avstriyaning AVL kompaniyasi bilan birgalikda ishlab chiqilgan Acteco oilasining uchinchi avlodiga tegishli. U 186 ot kuchiga ega yuqori quvvatni ta’minlaydi. Ushbu dvigatel va uzatmalar qutisi yordamida Tiggo 8 Pro 100 km/soat tezlikka o‘z sinfida rekord bo‘lgan 8,9 soniya ichida chiqadi.
Tiggo 8 Pro Max
245 ot kuchiga ega 2.0TGDI dvigateli ko‘plab zamonaviy texnologiyalarni o‘z ichiga olgan. Bundan tashqari, 7DCT uzatmalar qutisi va ichidan yoritilgan moslashtirilgan selektor dastagi tufayli yangi Tiggo 8 Pro Max 100 km tezlikka erishish uchun bor-yo‘g‘i 7,3 soniya vaqt sarflaydi, yuz kilometrga yonilg‘i sarfi esa atigi 7 litrni tashkil etadi. Yuqori unumdorlik va yoqilg‘ining kam miqdorda sarflanishi avtomobilni boshqarish zavqini yanada oshiradi.
Chery kompaniyasi haqida
Chery Automobile Co., Ltd. kompaniyasi 1997-yilda Xitoyda tashkil etilgan. Kompaniya 80 dan ortiq mamlakat va mintaqalarga o‘z mahsulotlarini eksport qiladi. Xitoydan tashqarida 10 ta zavod, 1500 dan ortiq chet el dilerlik va xizmat ko‘rsatish markazlariga ega. So‘nggi 18 yil ichida Chery yengil avtomobillar eksporti bo‘yicha Xitoyda birinchi o‘rinni egallab kelmoqda.
Chery avtomobillari quyidagi savdo markazlarida taqdim etiladi:
- Chery Tiggo 7 Pro — Depo Mall;
- Chery Tiggo 7 Pro — Samarqand Darvoza;
- Chery Tiggo 8 Pro — Samarqand Darvoza;
- Chery Tiggo 8 Pro — Compass Mall.
Avtomobillarga oid yanada batafsil ma’lumotlar bilan Chery’ning rasmiy sayti (https://cheryauto.uz/)orqali tanishish mumkin.
Reklama huquqi asosida.
Izoh (0)