24-oktabr kuni joriy yilning asosiy tadbirlaridan biri – “ICTWEEK Uzbekistan 2022” – axborot-kommunikatsiya texnologiyalari haftaligi boshlanadi.
Tadbir Samarqand shahridagi yangi Xalqaro turizm markazi hududida bo‘lib o‘tadi, unda yirik xorijiy va mahalliy kompaniyalar o‘zlarining yangi texnologik yechimlarini taqdim etadilar.
ICTWEEK 2022 axborot-kommunikatsiya texnologiyalari haftaligi 2004-yildan buyon har yili o‘tkazib kelinmoqda. Oxirgi 18 yil davomida ushbu tadbir an’anaviy tarzda bir qator ixtisoslashgan tadbirlarni yagona formatda birlashtirib keladi.
Alohida ta’kidlaymizki, bugungi kunda O‘zbekiston yangi IT-markazga aylana oldi, chunki u axborot texnologiyalari sohasida katta salohiyatga ega. Mazkur tadbir O‘zbekiston IT-bozorining xorijiy investorlar uchun jozibadorligini, davlat, kompaniyalar va iste’molchilar o‘rtasidagi o‘zaro munosabatlarni namoyish etish uchun ajoyib imkoniyatdir. Tadbir O‘zbekiston Respublikasi Axborot texnologiyalari va kommunikatsiyalarini rivojlantirish vazirligi ko‘magida o‘tkaziladi. Avantage Event Agency ICTWEEK Uzbekistan tashkilotchisi hisoblanadi.
ICTWEEK doirasida sizni turli sammitlar, forumlar va panel muhokamalaridan iborat boy dastur kutmoqda, unda Meta, Toyota, Huawei, Yandex, ZTE, TEOCO, Click, Payme, Astrum, SAP, IDC, KPMG, Express24, Mobiuz, Nokia, Uztelecom, IT Park, INHA universiteti va boshqa ko‘plab kompaniyalar axborot-kommunikatsiya texnologiyalari sohasidagi eng qiziqarli ishlanmalar va yangiliklar bilan o‘rtoqlashadilar.
Ko‘rgazmaga tashrif buyuruvchilar xorijlik ishtirokchilarning eng qiziqarli ishlanmalarini bevosita ko‘rish, IT sohasidagi innovatsiyalar bilan tanishish, Samarqand shahrida yaqinda barpo etilgan yangi sayyohlik markaziga tashrif buyurish, shuningdek, sharq dunyosi muhitiga sho‘ng‘ish uchun ajoyib imkoniyatga ega bo‘ladilar.
Har bir inson haligacha ICTWEEK veb-saytida ro‘yxatdan o‘tish imkoniyatiga ega. Eslatib o‘tamiz, AKT haftaligi 2022-yil 24—26-oktabr kunlari bo‘lib o‘tadi.
Axborot texnologiyalari haftaligi tadbirlari haqidagi ma’lumotlar doimiy ravishda yangilanib boriladi. Yangiliklarni o‘tkazib yubormaslik uchun obuna bo‘ling.
Asosiy elektron resurslar:
Reklama huquqi asosida.
Izoh (0)