Карло Анчелотти «Эль-Класико» олдидан: «Барселона»нинг ЕЧЛда омади чопмаётгандир, бироқ Ла Лигада жуда кучли

Мадриднинг «Реал» клуби бош мураббийи Карло Анчелотти Ла Лига доирасида «Барселона»га қарши кечадиган ўйин олдидан ўз фикрлари билан ўртоқлашди.

Ўйин ҳақида

Таркибда эксперимент қилиш ниятим йўқ. Ўтган мавсумда нимадир қилмоқчи бўлгандим, натижа эса чаппасига кетган («Реал» 0:4 ҳисобида ютқазганди).

Нима қилишини аниқ биладиган жамоани ўйинга тушираман. Биз юқори савияли жамоага қарши ўйнаймиз, шу боис ҳар бир чизиқда кучли ўйнашимиз керак. Фақат шу йўл билан ўйинлар ва мусобақани ютиш мумкин.

Футболчиларга ҳеч қандай ролик кўрсатмадим. Улар кимга қарши ўйнашини жуда яхши билади. Ўтган мавсумдаги натижа бизга таъсир қилмайди, бу янги чемпионат ва янги класико.

Бу ҳал қилувчи ўйин эмас. У муҳим, бироқ мавсум узун ва ҳаммаси энди бошланяпти.

«Барселона» борасида

Рақиб одатда биринчи бўлимни жуда кучли ўтказади, биз эса танаффусдан кейин яхшироқ ҳаракат қиламиз. Бу мазкур ўйинга таъсир қиладими ёки йўқ билмайман, бироқ инобатга олиб қўйиш керак.

«Барселона» 1-турни инобатга олмаганда чемпионатдаги барча ўйинни ютди. Улар яхши формада. Уларда ЕЧЛда муаммо юзага келди, бироқ бу бундай мусобақа учун нормал ҳолат. Ла Лигада «Барселона» ажойиб ҳаракат қиляпти.

«Интер»га қарши ўйиндаги мағлубият жамоа таъсир кўрсатадими ёки йўқ, билмайман. Яхши мавсум ўтказиш учун уларда яхшигина шаклланган таркиб бор. Бизнинг ўйин услуб «Интер»никидан фарқ қилади, бироқ қайд этиш керак, миланликлар ўша ўйинда характер намойиш қилди. Улар ўтказиб юборилган голдан кейин тақдирга тан бермади. Аммо бу ўйин буткул бошқача бўлади.

Футболчиларнинг ҳолати ҳақида

Тибо Куртуанинг ҳолати ёмон эмас, бироқ у кам шуғулланди. У бу ўйинда қатнаша олмайди. Рюдигерда ҳаммаси жойида, шунчаки ярасини ҳимоя қилиш учун ниқоб тақиши керак, холос. У жангчи.

Бензама бу ҳафтада анча яхши формада. У ҳақиқатда ўйинига қўшди. Ишончим комил, ўйинда у биз кўришга кўникиб қолган даражани намойиш этади.

«Барселона»нинг «тики-така»си ҳақида

Уларнинг тарихи барча маълум, «Барселона»нинг ўйин услуби бор ва у ўз мухлисларга ёқади. Мен бунга ҳурмат билан қарайман. Бу ўйни фалсафаси клубга муваффақият келтирган.

Бошқа жамоаларнинг ҳам ўз услуби бор. Фикримча, бир хил услубда тўп суриш яхши ғоя эмас, чунки футболчилар баъзан алмашади. Муҳими футболчилар жамоа қўллайдиган услубда ўзини яхши ҳис қилиши.

Карло Анчелотти, «Реал» бош мураббийи