Toshkent shahar, Mirzo Ulug‘bek tumani, Olimlar mahallasidagi yer uchastkasi kimoshdi savdosida sotildi. Lot ma’lumotlari “E-auksion” portalida e’lon qilingan.
Boshlang‘ich narxi 277 mln so‘mlik yer auksion savdolarida 3,05 mlrd so‘mga sotildi. Kimoshdi savdosi 2 soatdan oshiq davom etgan.
Ushbu yer uchastkasida oshxona, kafelar va savdo uylari faoliyatini yo‘lga qo‘yishga ruxsat berilgan.
“E-auksion” matbuot xizmatining ma’lum qilishicha, avvalgi savdoda 2,7 mlrd so‘mga sotilgan ushbu yer uchastkasi uchun g‘olib ishtirokchi tomonidan to‘liq to‘lov amalga oshirilmagan.
Avvalroq Jizzaxdagi “O‘zbekiston” mehmonxonasi qariyb 40 mlrd so‘mga auksionga qo‘yilgani haqida xabar berilgan edi.
Izoh (0)