O‘zbekistonda qurilish sohasidagi talablar soddalashtirilmoqda

Vazirlar Mahkamasining “Qurilish sohasiga oid talablarni soddalashtirish hamda texnik jihatdan tartibga solish sohasidagi normativ hujjatlarni tizimlashtirish chora-tadbirlari to‘g‘risida”gi qarori qabul qilindi. Bu haqda Norma xabar berdi.

• “Davlat xaridlari to‘g‘risida”gi qonun doirasida amalga oshiriladigan qurilish-montaj, rekonstruksiya va mukammal ta’mirlash ishlarining loyiha-smeta hujjatlaridagi qiymati smeta-resurs normalari asosida shakllantiriladi;
• qurilish-montaj, rekonstruksiya va mukammal ta’mirlash ishlarini o‘z mablag‘lari hisobidan moliyalashtirayotgan tadbirkorlik subyektlari uchun smeta-resurs normalari tavsiyaviy xususiyatga ega bo‘ladi;
• qurilish reglamentlari hamda smeta-resurs normalari texnik jihatdan tartibga solish sohasidagi normativ hujjatlar jumlasiga kirmaydi hamda ularni Adliya vazirligida huquqiy ekspertizadan o‘tkazish talab etilmaydi;
• shaharsozlik normalari va qoidalari (keyingi o‘rinlarda – SHNQ) har 3-4 yilda qayta ko‘rib chiqiladi va zaruratga ko‘ra yangilab boriladi;
• qurilish materiallari va jihozlariga oid standartlar faqat qurilish vazirligi tomonidan qabul qilinadi;
• quyidagi xorijiy normativ hujjatlar asosida ishlab chiqilgan hamda xorijiy davlatlarda ekspertizadan o‘tkazilgan loyihalarning tegishli qismlari O‘zbekistonda to‘g‘ridan to‘g‘ri tan olinadi va ushbu qismlar bo‘yicha mahalliy ekspertiza organlaridan ekspertizadan o‘tkazilmaydi:

Qurilish vazirligiga “Qurilish reglamentlari” va “Smeta-resurs normalari”ga o‘zgartirish va qo‘shimchalar kiritish, ularning yangilarini qabul qilish yoki ahamiyatni yo‘qotganlarini bekor qilish huquqi berilmoqda. Shuningdek, hujjat bilan quyidagilar tasdiqlanmoqda:

• 2023-yilda o‘zaro umumlashtiriladigan shaharsozlik normalari va qoidalari ro‘yхati (44 ta ShNK 14 ta ShNKga umumlashtiriladi);
• 2023-yilda o‘zaro birlashtiriladigan qurilish ishlari uchun “Smeta-resurs normalari” to‘plamlari ro‘yхati (35 ta to‘plam 16 taga birlashtiriladi);
• 2023-yil 1-yanvardan majburiyligi bekor qilinadigan va “Qurilish reglamentlari” toifasiga o‘tkaziladigan 30 ta ShNK ro‘yхati;
• 2023-yil 1-yanvardan majburiyligi bekor qilinadigan va ma’lumotnoma toifasiga o‘tkaziladigan 76 ta ShNK ro‘yхati;
• 2023-yil 1-yanvardan majburiyligi bekor qilinadigan va qurilish ishlari uchun “Smeta-resurs normalari” toifasiga o‘tkaziladigan 46 ta ShNK ro‘yхati;
• 2022—2024-yillarda Koreyaning “KICT” instituti bilan hamkorlikda хalqaro normativlar bilan uyg‘unlashtiriladigan 122 ta ShNK ro‘yхati.