Toshkent viloyatining Ohangaron shahrida ayol mast holatda turmush o‘rtog‘ini qasddan o‘ldirdi.
Bosh prokuratura matbuot xizmatining “Daryo”ga ma’lum qilishicha, voqea 12-oktabr kuni soat 01:30 larda ayolning xonadonida yuz bergan. Erkak u bilan shar’iy nikohda bo‘lgan. 28 yoshli ayol Z.K. 33 yoshli turmush o‘rtog‘i A.Sh. bilan spirtli ichimlik iste’mol qilib, kelishmovchilik sababli o‘zaro janjallashib qolgan.
Janjal paytida ayol oshxona pichog‘i bilan uning ko‘krak sohasiga bir marotaba urib, qasddan o‘ldirgan.
Holat yuzasidan o‘shu kuniyoq shahar prokuraturasi tomonidan Z.K.ga nisbatan Jinoyat kodeksining 97-moddasi (qasddan odam o‘ldirish)1-qismi bilan jinoyat ishi qo‘zg‘atilib, u Jinoyat protsessual kodeksining 221-moddasi tartibida ushlangan.
Mavzuga doir:
Izoh (0)