Ўзбекистон терма жамоаси ноябрь ойида Қозоғистон билан халқаро ўртоқлик ўйинида иштирок этади.
Ўйин ҳақида Қозоғистон терма жамоаси бош мураббийи Магомед Адиев ўз фикларини билдириб ўтди.
Ўзбекистонни Евро—2024 саралаш босқичига тайёргалик учун яхши рақиб деб ҳисоблайман. Ушбу ўйин мураббийлар штаби учун жуда фойдали маълумотларни олиш учун имконият беради. Ўзбекистонда юқори савиядаги футболчилар бор. Бўлажак Европа чемпионати саралашида ишонч билдирмоқчи бўлган футболчиларни синаб кўрмоқчиман. Қизиқарли ўйин бўлишига ишончим комил.Ўзбекистон ва Қозоғистон терма жамоалари ўртасидаги баҳс 16 ноябрь куни Тошкентнинг «Пахтакор» стадионида бўлиб ўтади.Магомед Адиев, Қозоғистон терма жамоаси бош мураббийи
Жамоалар умумий ҳисобда 6 марта тўқнаш келган, уларнинг 2 тасида Ўзбекистон ғалаба қозонган бўлса, биттасида Қозоғистон зафар қучган. Қолган учта ўйинда дуранг натижа қайд этилган.
Қозоғистон Европа Миллатлар лигасида муваффақиятли қатнашиб, B Лига йўлланмасини қўлга киритди.
Ўзбекистон терма жамоаси ФИФА рейтингида 77-ўринни эгаллаб турибди.
Сречко Катанец шогирдлари сентябрь ойида халқаро ўртоқлик ўйинлари доирасида Камерун устидан 2:0 ҳисобида ғалаба қозонган, Коста-Рикага қарши баҳсда эса 1:2 ҳисобида мағлуб бўлганди.
Изоҳ (0)