OPEK+ guruhining neft qazib olishni qisqartirish haqidagi qarori jahon iqtisodiyoti, ayniqsa, rivojlanayotgan bozorlar uchun “foydasiz va aqlsiz” qaror bo‘ldi. Bu haqda AQSH moliya vaziri Janet Yellen intervyusida aytib o‘tdi.
Biz rivojlanayotgan mamlakatlar va ular duch kelayotgan muammolardan juda xavotirdamiz, — dedi u.
Yellen ittifoqchilarni Ukrainaga moliyaviy yordam yuborishda sustlik uchun ham tanqid qildi.
Ukrainaga pul o‘tkazish tezligi juda sekin, — dedi AQSH moliya vaziri va yordam berishga va’da bergan ba’zi davlatlar uni to‘lashdan bosh tortmaganiga ishora qildi.
OPEK+ 5-oktabr kuni neft qazib olishni noyabr oyidan boshlab 2 million barrelga qisqartirish qarorini e’lon qildi. Bu pasayish 2020-yildan beri eng yuqori ko‘rsatkich bo‘ldi.
Kelishuv ishtirokchilari bozorni talabning mavsumiy pasayishidan oldin muvozanatlash uchun shunday qadam tashladi, — dedi OPEK+ a’zo davlatlari vakillarining yig‘ilishida ishtirok etgan Rossiya bosh vaziri o‘rinbosari Aleksandr Novak.
Shundan so‘ng Saudiya Arabistonining Saudi Aramco milliy neft kompaniyasi AQSH uchun noyabr oyida neft narxini oshirdi.
Yevropaning shimoli-g‘arbiy qismi va O‘rta Yer dengizi mintaqasi uchun narxlar pasaytirildi. Qo‘shma Shtatlar uchun barcha navdagi neft narxi 20 sentga oshirildi, — deb yozadi agentlik.
AQSH prezidenti Jo Bayden, o‘z navbatida, neft qazib olish kvotalari qisqartirish qaroridan hafsalasi pir bo‘lganini bildirdi va AQSH ehtimoliy javob choralarini o‘rganayotgani haqida ogohlantirdi.
Keyinroq AQSH Davlat kotibi Entoni Blinken Vashington OPEK mamlakatlari qaroriga javob berishning turli variantlarini, jumladan Saudiya Arabistoni bilan munosabatlarni ham ko‘rib chiqayotganini aytdi.
Bloomberg agentligiga ko‘ra, Rossiya Yevropa Ittifoqi tomonidan ilgari ma’qullangan neft narxining yuqori chegarasi joriy etilishiga javoban ishlab chiqarishni yanada qisqartirishi mumkin.
Izoh (0)