AQSH Mehnat Departamentining Federal statistika byurosi ma’lumotlariga ko‘ra, sentabr oyida mamlakatda ishsizlik darajasi yana 3,5 foizga tushdi. Bu haqda “Kommersant’ xabar bermoqda.
Mamlakatda ishsizlik iyul oyida xuddi shu darajada bo‘lgan va avgustda 3,7 foizgacha ko‘tarilgan. Sentabr oyida AQSHda ishsizlarning umumiy soni 5,8 million kishini tashkil etdi.
AQSH Mehnat vazirligi hisobotiga ko‘ra, o‘tgan oyda 263 ming yangi ish o‘rni yaratilgan.
Bu ko‘rsatkichning ketma-ket uchinchi oy pasayishi, biroq iqtisodchilarning prognozlariga to‘g‘ri keladi.
Ayniqsa, dam olish va mehmonxona sektorlari ishga qabul qilishda faol bo‘ldi — 83 ming kishi.
Biroq, ushbu sektorda bandlik darajasi hali ham pandemiyadan oldingi darajadan ancha past bo‘lib, farq 1,1 million ish joyini tashkil etadi.
Sentabr oyida sog‘liqni saqlash sohasidagi ish o‘rinlari 60 mingga oshdi va pandemiyadan oldingi darajaga yetdi.
O‘rtacha soatlik ish haqi 0,3 foizga oshib, 32,46 dollarni tashkil etdi. Umuman olganda, so‘nggi 12 oyda bu ko‘rsatkichning o'sishi 5 foiz bo‘lgan.
Avvalroq Green Card uchun anketa to‘ldirishda eng ko‘p yo‘l qo‘yiladigan 5 ta xatolik haqida xabar berilgan edi
Izoh (0)