Futbol bo‘yicha O‘zbekiston nogiron-amputantlar terma jamoasi Turkiyada bo‘lib o‘tgan Jahon chempionatining uchinchi o‘rini uchun kechgan bahsda 9-oktabr, yakshanba kuni Gaitiga qarshi bahs olib bordi.
Avvaliga Gaiti vakillari 6-daqiqada oldinga o‘tib oldi. Bunga o‘zbekistonlik futbolchilar ikkita to‘p bilan javob qaytardi. 19-daqiqada hisob tenglashdi.
Ikkinchi bo‘limda O‘zbekiston vakillari yana ikkita to‘p kiritgan holda, g‘alabani o‘z tomoniga og‘dirdi.
Shu tariqa O‘zbekiston amputantlar terma jamoasi Jahon chempionatining bronza medaliga ega chiqdi.
Guruh bosqichida o‘zbekistonliklar Polshani 3:1 hisobida, Ispaniyani 3:0 hisobida, Tanzaniyani esa 2:0 hisobida taslim etib, pley-off bosqichiga chiqdi. Nimchorak finalda Kolumbiya terma jamoasi ustidan 4:1 hisobida taslim etildi. Chorak finalda esa Italiya 4:0 hisobida mag‘lub etildi. Yarim finalda terma jamoa Turkiyaga 0:1 hisobida mag‘lub bo‘lib, finaldan quruq qolgandi.
Amputantlar o‘rtasida Jahon chempionati
3-o‘rin uchun bahs
9-oktabr, yakshanba
Izoh (0)