Shvetsiya Davlat xavfsizlik xizmati (SEPO) Boltiq dengizidagi “Shimoliy oqim” va “Shimoliy oqim 2” gaz quvurlarida sodir bo‘lgan avariyalar joyida tekshiruvni yakunladi. Bu haqda “RBK” xabar bermoqda.
Tekshiruv jiddiy sabotaj gumonlarini kuchaytirdi, — deyiladi SEPO bayonotida.
Voqea joyini ko‘zdan kechirib, xizmat Shvetsiyaning eksklyuziv iqtisodiy zonasidagi gaz quvurlarida portlashlar sodir bo‘lgan, bu quvurlarga jiddiy shikast yetkazgan, degan xulosaga keldi.
Ikkala “Shimoliy oqim”da ham avariyalar sentyabr oyi oxirida sodir bo‘lgan. Shvetsiya va Daniya seysmologlari kuchli portlashlar haqida xabar bergan.
“Gazprom” quvurlarga misli ko‘rilmagan zarar yetkazilganini e’lon qildi. Gazning sizib chiqishi 3-oktabrda to‘liq to‘xtadi.
Shvetsiya va Daniya Germaniya ishtirokidagi hodisa yuzasidan tergov olib bormoqda.
Bu davlatlar rahbarlari avvalroq ushbu hodisalar qasddan qilingan harakatlar natijasida sodir bo‘lgan deb taxmin qilgandi.
Rossiya rasmiylari gaz quvurlarini yo‘q qilish AQSH uchun foydali bo‘lgan deb hisoblamoqda. Prezident Vladimir Putin esa voqeada “anglosakslar”ni aybladi.
Garchi ular bunga aloqador emasligi haqida ma’lumotlar kelib tushayotgan bo‘lsa-da, Rossiya bir necha bor avariyalarni tekshirishni mamlakat ishtirokisiz amalga oshirish mumkin emasligini ta’kidlagan.
Izoh (0)