АҚШ Меҳнат Департаментининг Федерал статистика бюроси маълумотларига кўра, сентябрь ойида мамлакатда ишсизлик даражаси яна 3,5 фоизга тушди. Бу ҳақда «Коммерсант’ хабар бермоқда.
Мамлакатда ишсизлик июль ойида худди шу даражада бўлган ва августда 3,7 фоизгача кўтарилган. Сентябрь ойида АҚШда ишсизларнинг умумий сони 5,8 миллион кишини ташкил этди.
АҚШ Меҳнат вазирлиги ҳисоботига кўра, ўтган ойда 263 минг янги иш ўрни яратилган.
Бу кўрсаткичнинг кетма-кет учинчи ой пасайиши, бироқ иқтисодчиларнинг прогнозларига тўғри келади.
Айниқса, дам олиш ва меҳмонхона секторлари ишга қабул қилишда фаол бўлди — 83 минг киши.
Бироқ, ушбу секторда бандлик даражаси ҳали ҳам пандемиядан олдинги даражадан анча паст бўлиб, фарқ 1,1 миллион иш жойини ташкил этади.
Сентябрь ойида соғлиқни сақлаш соҳасидаги иш ўринлари 60 мингга ошди ва пандемиядан олдинги даражага етди.
Ўртача соатлик иш ҳақи 0,3 фоизга ошиб, 32,46 долларни ташкил этди. Умуман олганда, сўнгги 12 ойда бу кўрсаткичнинг ўсиши 5 фоиз бўлган.
Аввалроқ Green Card учун анкета тўлдиришда энг кўп йўл қўйиладиган 5 та хатолик ҳақида хабар берилган эди
Изоҳ (0)